368.52
Տոկաևը Մակրոնի հետ քննարկել է միջազգային օրակարգը
1 րոպեի ընթերցում
Ղազախստանի նախագահ Կասիմ-Ժոմարտ Տոկաևը ՄԱԿ-ի 80-ամյակի նախօրեին հեռախոսազրույց է ունեցել Ֆրանսիայի նախագահ Էմանուել Մակրոնի հետ՝ միջազգային օրակարգը քննարկելու համար։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին հայտնել է Ղազախստանի նախագահի մամուլի ծառայությունը։
«Ֆրանսիական կողմի նախաձեռնությամբ հեռախոսազրույց է տեղի ունեցել Ղազախստանի նախագահ Կասիմ-Ժոմարտ Տոկաևի և Ֆրանսիայի նախագահ Էմանուել Մակրոնի միջև։ Պետությունների ղեկավարները մտքեր են փոխանակել միջազգային օրակարգի հարցերի շուրջ՝ ՄԱԿ-ի 80-ամյակի նախօրեին»,-ասված է հաղորդագրության մեջ։
Տոկաևի մամուլի ծառայությունը հավելել է, որ նախագահները նշել են երկկողմ հարաբերությունների դրական դինամիկան և պայմանավորվել են աշխատել առևտրատնտեսական համագործակցության հետագա զարգացման ուղղությամբ։
Բաժանորդագրվեք մեր ալիքին Telegram-ում