Նորվեգիան պատրաստ է իր ներդրումն ունենալ Ուկրաինային անվտանգության երաշխիքներ տրամադրելու գործում
1 րոպեի ընթերցում
Նորվեգիան պատրաստ է մասնակցել Ուկրաինային անվտանգության երաշխիքներ տրամադրելուն, սակայն դեռևս այդ գործընթացում համապատասխան ներդրման վերաբերյալ որոշում չի կայացվել։
«Արմենպրես»-ի հաղորդմամբ՝ ինչպես փոխանցում է ՌԻԱ Նովոստին, այս մասին ասել է Նորվեգիայի արտաքին գործերի նախարար Էսպեն Բարթ Այդեն։
Նա նշել է, որ Նորվեգիան ընդգրկված է եղել երաշխիքներ տրամադրելու գործընթացի պլանավորման ամբողջ ընթացքում, քանի որ ցանկանում է ներդրում ունենալ նրանում, ինչը վերջնարդյունքում իրականացվելու է։
Այդուհանդերձ, ըստ նախարարի, առայժմ վաղ է ասել, թե Նորվեգիան ինչպես կմասնակցի այդ գործընթացին։
Նորվեգիայի արտաքին քաղաքական գերատեսչության ղեկավարը հավելել է, որ անվտանգության երաշխիքներ տրամադրելու համար անհրաժեշտ են հրադադար և խաղաղության համաձայնագիր։
«Եթե այն խախտվի, անվտանգության երաշխիքները ուժի մեջ կմտնեն։ Այսպիսով՝ անվտանգության երաշխիքները պատերազմի մեջ մտնելը չեն, այլ դրա վերսկսման կանխումը», - պարզաբանել է նա։