ՀԱՄԱՍ-ը դրական է արձագանքել Գազայի շուրջ Եգիպտոսի և Կատարի ներկայացրած առաջարկին

2 րոպեի ընթերցում

ՀԱՄԱՍ-ի արձագանքը Գազայի հատվածում հրադադարի հաստատման վերաբերյալ Եգիպտոսի և Կատարի առաջարկին շատ դրական է եղել: «Արմենպրես»-ի փոխանցմամբ՝ այս մասին օգոստոսի 19-ին մամուլի ասուլիսում հայտարարել է Կատարի արտաքին գործերի նախարարության խոսնակ Մաջիդ ալ-Անսարին։ 

Al Arabiya-ի փոխանցմամբ՝ ալ-Անսարին նշել է, որ  ՀԱՄԱՍ շարժման վերջին արձագանքը մեծապես համապատասխանում է այն ամենին, ինչին Իսրայելը նախկինում համաձայնել էր:

Նա նաև նշել է, որ սպասում են Իսրայելի պատասխանին ՀԱՄԱՍ-ի կողմից հրադադարի առաջարկի հաստատման վերաբերյալ։

Խոսնակը հավելել է, որ տեղեկությունների համաձայն՝ Իսրայելն այժմ ուսումնասիրում է հարցը։ Նա արագ և դրական արձագանքի հույս է հայտնել։

Պաշտոնյան նաև ընդգծել է, որ առաջարկը համապատասխանում է ԱՄՆ հատուկ բանագնաց Սթիվ Ուիթքոֆի ներկայացրած առաջարկին։

Ալ-Անսարին հայտնել է, որ Կատարի վարչապետ և արտաքին գործերի նախարար շեյխ Մուհամմադ բին Աբդ Ալ-Ռահման Ալ Թանին օգոստոսի 18-ին ալ-Ալամեյնում մասնակցել է Գազայում հրադադարի վերաբերյալ բանակցություններին։

Ավելի վաղ Կատարը և Եգիպտոսը Գազայի հատվածում հրադադարի հաստատման վերաբերյալ ՀԱՄԱՍ-ին նոր առաջարկ էին ներկայացրել՝ նպատակ ունենալով վերսկսել բանակցությունները։

Եգիպտոսը Կատարի հետ համակարգված ձգտում է վերադառնալ 60-օրյա ժամանակավոր հրադադարի համաձայնագրին, որի ընթացքում ազատ արձակվեն 10 իսրայելցի պատանդներ և կփոխանցվեն աճյուններ: Այնուհետև անհապաղ բանակցություններ կանցկացվեն ավելի համապարփակ համաձայնագրի շուրջ:

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն