Թուրքիայի կառավարության նիստում կքննարկվի Հայաստանի և Ադրբեջանի միջև ձեռք բերված համաձայնությունների թեման
1 րոպեի ընթերցում
Թուրքիայի կառավարությունն օգոստոսի 11-ին կայանալիք նիստում կքննարկի օգոստոսի 8-ին Սպիտակ տանը Հայաստանի և Ադրբեջանի միջև ձեռք բերված համաձայնությունների թեման:
Ինչպես հաղորդում է «Արմենպրես»-ը, այս մասին հայտնել է CNN Türk-ը՝ նշելով, որ հարցը Թուրքիայի կառավարության առաջիկա նիստի օրակարգում է։
Հեռուստաընկերությունը նշում է, որ նիստում կքննարկվի Հարավային Կովկասում կայունության ապահովման և տարածաշրջանային առևտրի ծավալներն ավելացնելու հարցը։
Նիստի արտաքին քաղաքականության օրակարգի գլխավոր թեմաններից է լինելու նաև Գազայում առկա իրավիճակը։
Թուրքիայի արտաքին գործերի նախարար Հաքան Ֆիդանը Էրդողանին զեկուցելու է Գազայի հարցով իր ունեցած շփումների արդյունքները։