Իսրայելի հարվածների հետևանքով զոհվել է Al Jazeera հեռուստաընկերության 5 լրագրող

2 րոպեի ընթերցում

Կատարի Al Jazeera հեռուստաընկերությունը հայտնել է Գազայի հատվածի վրա իսրայելական ռմբակոծության հետևանքով իր 5 աշխատակիցների զոհվելու մասին։ Ինչպես հաղորդում է «Արմենպրես»-ը, մասնավորապես զոհվել են լրագրողներ Անաս ալ-Շարիֆն ու Մուհամեդ Քրեյքեհը, ինչպես նաև 3 օպերատոր։

Al Jazeera-ն հաղորդել է, որ իր աշխատակիցները զոհվել են այն ժամանակ, երբ իսրայելական կողմը հարվածել է լրագրողների վրանին։

Անաս ալ-Շարիֆը զոհվելուց ժամեր առաջ գրառում էր կատարել X-ի իր էջում՝ հրապարակելով իսրայելական ռմբակոծության մասին տեսանյութն ու նշելով, որ վերջին երկու ժամվա ընթացքում Գազայի հատվածի վրա իսրայելական հարձակումներն ակտիվացել են։ 

Իր հերթին Իսրայելի պաշտպանական բանակը հայտարարություն է տարածել՝ ասելով, որ գործողությունների արդյունքում վերացրել է «ահաբեկիչ Անաս ալ-Շարիֆին, ով ձևացրել է, թե Al Jazeera հեռուստաընկերության լրագրող է»։ Իսրայելական կողմի պնդմամբ՝ նա ղեկավարել է ՀԱՄԱՍ-ի ծայրահեղական ջոկատներից մեկը և «պատասխանատու է եղել իսրայելցի խաղաղ բնակիչների ու զինծառայողների հրթռիակոծման համար»։

Գազայի հատվածի իշխանությունները օգոստոսի 5-ին հայտարարել էին, որ իսրայելական հարվածների հետևանքով անկլավի տարածքում զոհված լրագրողների թիվը հասել է 230-ի։ 

Առողջապահության նախարարության տվյալներով՝ 2023 թվականի հոկտեմբերից Գազայում հակամարտության պատճառով մահացել է 61 հազար 430 մարդ, տոիժել՝ ավելի քան 153 հազարը։ 

Հայերեն English

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն