Ալեքսանդր Լուկաշենկոն բելառուս ժողովրդի անունից հայ ժողովրդին շնորհավորել է Հայրենական մեծ պատերազմում տարած հաղթանակի 60-րդ տարեդարձի առթիվ

ՄԻՆՍԿ, 3 ՄԱՅԻՍԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն բելառուս ժողովրդի անունից հայ ժողովրդին շնորհավորել է Հայրենական մեծ պատերազմում տարած հաղթանակի 60-րդ տարեդարձի առթիվ: «Շնորհակալություն, որ այդ մեծ տոնի նախօրեին Դուք եկել եք մեզ մոտե,-ընդգծել է Լուկաշենկոն Հայաստանի վարչապետ Անդրանիկ Մարգարյանի հետ այսօր կայացած հանդիպմանը: Բելառուսի նախագահը նշել է, որ Հայրենական մեծ պատերազմի տարիներին Բելառուսի տարածքում կռվել են շատ հայեր, այդ թվում՝ խոշոր զորահրամանատարներ: «Մենք այդ գիտենք ու գնահատում ենք,-ասել է նախագահը:-Դուք միշտ էլ կարող եք ակնկալել բելառուսների աջակցությունը: Մենք հիշում ենք բարինե: Լուկաշենկոն վստահ է, որ Հայաստանն այն երկիրն է, որի հետ «կարելի է կառուցել ամենալավ հարաբերություններըե: «Հայերը, հավանաբար, նախկին Խորհրդային Միության ժողովուրդներից միակն են, որ հավատարիմ մնացին մեր միջեւ հաստատված բարեկամությանըե,-նշել է նա: Բելառուսի նախագահը գոհունակություն է հայտնել երկու երկրների միջեւ առեւտրատնտեսական կապերի զարգացման առթիվ: «Թեեւ մեր երկրների միջեւ ապրանքաշրջանառության ծավալն այնքան էլ մեծ չէ, բայց այն շարունակ մեծանում էե,-ասել է Լուկաշենկոն: Ընդսմին նա գոհունակություն է հայտնել այն փաստի առթիվ, որ կողմերը գտել են այն ուղիները, որոնցով ոչ դյուրին պայմաններում փոխադարձ առեւտուր է իրականացվում: Ալեքսանդր Լուկաշենկոն վստահություն է հայտնել, որ Բելառուս Հայաստանի կառավարական պատվիրակության այցը, որը կտեւի մինչեւ մայիսի 4-ը, հաջող կլինի: «Համենայն դեպս, ես եւ մյուս պաշտոնական անձինք ամեն ինչ կանենք, որպեսզի բավարարենք բոլոր խնդրանքները, ցանկությունները եւ կատարենք այն պայմանավորվածությունները, որոնք ձեռք կբերվեն Ձեր այցի արդյունքումե,- հավաստիացրել է Բելառուսի ղեկավարը: Իր հերթին Անդրանիկ Մարգարյանը նույնպես դրականորեն է գնահատել Բելառուսի եւ Հայաստանի առեւտրատնտեսական համագործակցության դինամիկան եւ վստահություն է հայտնել, որ երկկողմ կապերը այսուհետեւ էլ կամրապնդվեն: Միեւնույն ժամանակ, ինչպես նշել է Հայաստանի վարչապետը, առկա են չօգտագործված հնարավորություններ, եւ կողմերը մեծ աշխատանք ունեն կատարելու: Այս տարի Երեւանում կայանալու է առեւտրատնտեսական համագործակցության հայ-բելառուսական միջկառավարական հանձնաժողովի հերթական նիստը, որտեղ սահմանվելու են երկու պետությունների փոխգործակցության աշխուժացման ուղիները, ասել է Անդրանիկ Մարգարյանը: Հայաստանի վարչապետը նշել է, որ հինգ տարի առաջ կայացած իր վերջին այցի ժամանակից ի վեր «Բելառուսում դրական շատ փոփոխություններ են կատարվել, եւ մեր պետությունների հարաբերություններում՝ նույնպեսե: Նշենք, որ անցյալ տարի Հայաստանի եւ Բելառուսի միջեւ երկկողմ առեւտրի ծավալն աճել է 12,4 տոկոսով եւ կազմել 10,8 ԱՄՆ-ի դոլար: Ապրանքաշրջանառությունն առավել բարձր տեմպերով է աճում ընթացիկ տարում: 2005-ի առաջին երկու ամսվա արդյունքներով, այդ ցուցանիշը անցյալ տարվա նույն ժամանակահատվածի համեմատությամբ ավելացել է 2,5 անգամ: Բելառուսը Հայաստան է մատակարարում բեռնատար ավտոմեքենաներ, անվադողեր, ճանապարհային տեխնիկա, քիմիական, փայտամշակման արդյունաբերության արտադրանք, դեղորայք, իսկ ներմուծում է առավելապես թունդ սպիրտային խմիչքներ: