ԵՄ դիվանագետները հաստատել են, որ Գազայի հետ կապված առայժմ պատժամիջոցներ չեն կիրառի Իսրայելի դեմ

ԵՄ դիվանագետները դարձյալ չեն կարողացել համաձայնության գալ «Եվրոպական հորիզոն» հիմնադրամին Իսրայելի մուտքը մասնակիորեն կասեցնելու շուրջ՝ ի պատասխան Գազայի պատերազմի։ Այդ մասին տեղեկացնում է «Արմենպրես»-ը՝ վկայակոչելով Euronews-ը։

«Չնայած այն հանգամանքին, որ ճգնաժամի և Գազայում սովի հետ կապված մտահոգությունների ֆոնին Իսրայելի վրա հետզհետե աճում է միջազգային հանրության ճնշումը, այդուհանդերձ ԵՄ 27 դիվանագետներին չի հաջողվել համաձայնության գալ Եվրահանձնաժողովի առաջարկի շուրջ, որը վերաբերում է 95 միլիարդ եվրո ծավալով «Եվրոպական հորիզոն» հիմնադրամին Իսրայելի մուտքը մասնակիորեն դադարեցնելուն»,- նշված է հաղորդագրության մեջ։

Քանի որ Իսրայելը բախվում է համաշխարհային քննադատության՝ պաշարված Գազայի հատվածում սով թույլ տալու և ՀԱՄԱՍ-ի հետ բանակցությունները փակուղի մտցնելու համար, վերոհիշյալ առաջարկն ինքնին կլինի խորհրդանշական քայլ։

Իսրայելն այդ կերպ կզրկվի Եվրոպական ներդրումային խորհրդի «Եվրոպական հորիզոն» ծրագրի շրջանակում 200 միլիոն եվրո արժողությամբ ապագա դրամաշնորհներից և ներդրումներից օգտվելու հնարավորությունից: Եվրահանձնաժողովի պաշտոնյաներն այդուհանդերձ նշել են, որ դա չի ազդի Իսրայելի հետ հիմնարար հետազոտություններին աջակցելու վրա: