ՀՀ ԱԳ փոխնախարարն ու Գերմանիայի ԱԳՆ պետնախարարն անդրադարձել են երկուստեք հետաքրքրություն ներկայացնող ոլորտներում փոխգործակցությանը
1 րոպեի ընթերցում
Նյու Յորք աշխատանքային այցի շրջանակներում Հայաստանի արտաքին գործերի նախարարի տեղակալ Վահան Կոստանյանը հանդիպել է Գերմանիայի ԱԳՆ պետնախարար Ֆլորիան Հահնին:
«Արմենպրես»-ի փոխանցմամբ՝ ՀՀ ԱԳՆ-ից հայտնում են, որ հանդիպման ընթացքում կողմերն անդրադարձել են երկու երկրների միջև զարգացող հարաբերությունների օրակարգին՝ ընգծելով դրանց նոր խթան տալու համար երկկողմ փոխայցելությունների կարևորությունը: Անդրադարձ է կատարվել տնտեսական, մշակութային և երկուստեք հետաքրքրություն ներկայացնող այլ ոլորտներում փոխգործակցությանը:
ՀՀ ԱԳ նախարարի տեղակալը և Գերմանիայի ԱԳՆ պետնախարարը մտքեր են փոխանակել Հարավային Կովկասում և Մերձավոր արևելքում առկա իրավիճակի շուրջ, քննարկել բազմակողմ հարթակներում հետագա համագործակցությանն առնչվող հարցեր: