1 րոպեի ընթերցում
Հայաստանի վերաքննիչ քրեական դատարանի դատավոր Վազգեն Ռշտունու որոշմամբ՝ ահաբեկչության նախապատրաստման և իշխանության յուրացման հոդվածներով մեղադրվող Հրայր սարկավագ Հակոբյանն ազատ է արձակվել։
Խափանման միջոցը փոխվել է բացակայելու արգելքով և վարչական հսկողությամբ։
«Արմենպրես»-ի հետ զրույցում ՀՀ գլխավոր դատախազությունից հայտնեցին, որ բողոք կներկայացնեն Վճռաբեկ դատարան։
«Արմավիր» քրեակատարողական հիմնարկից Հակոբյանի դուրս գալու լուսանկարը հրապարակել է նրա փաստաբան Հովսեփ Սարգսյանը։
Հրայր սարկավագ Հակոբյանը 2 ամսով կալանավորվել էր հունիսի 26-ին։