1 րոպեի ընթերցում
Հայաստանը 2026 թվականի հոկտեմբերի 18-30-ը կդառնա Կենսաբազմազանության գլոբալ կենտրոն. այդ օրերին կանցկացվի COP17 համաժողովը։ «Արմենպրես»-ի հաղորդմամբ՝ այդ մասին «Ֆեյսբուք»-ի իր էջում տեղեկացրել է ՀՀ շրջական միջավայրի նախարար Համբարձում Մաթևոսյանը։
«Սիրելի հայրենակիցներ, ուրախությամբ հայտնում եմ, որ 2026 թվականի հոկտեմբերի 18-30-ը մեր երկիրը կընդունի բնապահպանական ամենամեծ և նշանակալի համաժողովներից մեկը՝ COP17-ը՝ համախմբելով աշխարհի հարյուրավոր պետությունների, միջազգային կազմակերպությունների, գիտական շրջանակների և քաղաքացիական հասարակության ներկայացուցիչների։
Երևանը կդառնա գլոբալ հարթակ, որտեղ կքննարկվեն կենսաբազմազանության պահպանման ուղիները, կձևավորվեն նոր պարտավորություններ և կստեղծվեն ռազմավարական գործընկերություններ՝ ի նպաստ մեր մոլորակի առողջ ապագայի։
Սա բացառիկ հնարավորություն է մեր երկրի համար՝ դառնալու բնության պահպանման ոլորտում միջազգային որոշումների ձևավորման ակտիվ մասնակից և առաջատար»,- ասվում է նախարարի գրառման մեջ: