1 րոպեի ընթերցում
Ուկրաինայի Գերագույն ռադան նախկին վարչապետ Դենիս Շմիհալին նշանակել է Ուկրաինայի պաշտպանության նախարար։ Նրա թեկնածությունն այս պաշտոնում առաջարկել էր նախագահ Վոլոդիմիր Զելենսկին։ «Արմենպրես»-ի փոխանցմամբ՝ այս մասին հաղորդում է «ՌԲԿ-Ուկրաինա» պարբերականը։
Դենիս Շմիհալին պաշտպանության նախարար նշանակելու որոշմանը կողմ է քվեարկել 267 ժողովրդական պատգամավոր։
Ավելի վաղ Դենիս Շմիհալը հրաժարական էր տվել վարչապետի պաշտոնից, և նրա փոխարեն նշանակվել էր առաջին փոխվարչապետ և էկոնոմիկայի նախարար Յուլյա Սվիրիդենկոն։
Կառավարության բոլոր նախարարներին առաջադրում է վարչապետը, բացի պաշտպանության և արտաքին գործերի նախարարներից, որոնց առաջադրում է նախագահը։
Ավելի վաղ ԱԳ նախարարի պաշտոնում նշանակվել էր նույն պաշտոնը զբաղեցնող Անդրեյ Սիբիհան։