Սլովակիայի իրավունքների հանրային պաշտպանի պատվիրակությունը ճանաչողական այց է կատարել ՀՀ ՄԻՊ աշխատակազմ
1 րոպեի ընթերցում
Աշխատանքային այցով Հայաստանում գտնվող Սլովակիայի Հանրապետության իրավունքների հանրային պաշտպան Ռոբերտ Դոբրովոդսկու գլխավորած պատվիրակությունը հուլիսի 14-ին ճանաչողական այց է կատարել ՀՀ մարդու իրավունքների պաշտպանի աշխատակազմ:
«Արմենպրես»-ի հաղորդմամբ՝ Պաշտպանի աշխատակազմի գլխավոր քարտուղար Նինա Փիրումյանը ներկայացրել է հաստատության ստեղծման ու զարգացման փուլերը։
Ըստ ՀՀ ՄԻՊ աշխատակազմի հաղորդագրության՝ այնուհետև պատվիրակությանը ներկայացվել են Մարդու իրավունքների պաշտպանի՝ որպես կանխարգելման ազգային մեխանիզմի գործառույթները։
Ներկայացումը կատարել է Պաշտպանի աշխատակազմի կանխարգելման ազգային մեխանիզմի իրականացման համակարգող, խոշտանգումների և վատ վերաբերմունքի կանխարգելման վարչության պետ Լաուրա Գասպարյանը՝ մասնավորապես, անդրադառնալով մեխանիզմի գործառույթներին, գործնական գործիքակազմին և համագործակցային ձևաչափերին։