ՌԴ-ն իր սառեցված ակտիվներին մուտք չի ունենա, քանի դեռ չի փոխհատուցել Ուկրաինային պատճառված վնասը. Մերց
1 րոպեի ընթերցում
Ռուսաստանը չի կարողանա մուտք ունենալ սառեցված պետական ակտիվներին, քանի դեռ չի փոխհատուցել Ուկրաինայի դեմ զինված հարձակման հետևանքով պատճառած վնասը։ Ինչպես տեղեկացնում է «Արմենպրես»-ը, վկայակոչելով «DW»-ն, այս մասին հայտարարել է Գերմանիայի կանցլեր Ֆրիդրիխ Մերցը։
Ըստ Մերցի՝ վնասի ընդհանուր գումարը ներկայում գնահատվում է 550 միլիարդ եվրո, իսկ Կիևի տվյալներով՝ Ուկրաինայի վերականգնման համար անհրաժեշտ ծախսերը գերազանցում են 850 միլիարդ եվրոն։
Դեռևս 2022 թվականի փետրվարին Արևմուտքը սառեցրել էր Ռուսաստանի Կենտրոնական բանկի ակտիվները՝ ընդհանուր ավելի քան 260 միլիարդ եվրոյի չափով։ Այդ գումարի գերակշիռ մասը՝ մոտ 190 միլիարդ եվրո, պահվում է բելգիական Euroclear-ում, իսկ մնացած մասը՝ ԱՄՆ-ում։