Բրազիլիայի նախագահը Թրամփի հայտարարություններից հետո կառավարության արտահերթ նիստ է հրավիրել
1 րոպեի ընթերցում
Բրազիլիայի նախագահ Լուիս Ինասիու Լուլա դա Սիլվան հրավիրել է կառավարության արտահերթ նիստ՝ քննարկելու միջոցները, որոնք պետք է ձեռնարկվեն ի պատասխան ԱՄՆ-ի կողմից հայտարարված նոր մաքսատուրքերի։ Այդ մասին «Արմենպրես»-ը տեղեկանում է ՏԱՍՍ գործակալությունից:
Բրազիլիայում լրջորեն են դիտարկում հայելային միջոցների սահմանման հնարավորությունը Թրամփի կողմից նամակի հրապարակումից հետո, որով օգոստոսի 1-ից հայտարարվում է 50 տոկոսի չափով մաքսատուրքի սահմանում բրազիլական ապրանքների համար:
Ավելի վաղ Լուլա դա Սիլվան արդեն հայտարարել է, որ Բրազիլիան ամերիկյան մաքսատուրքերին կպատասխանի տնտեսությունում փոխադարձ միջոցների մասին օրենքի հիման վրա: Օրենքն ընդունվել է ապրիլին և ներառում է «առևտրային կոնցեսիաների, ներդրումների և մտավոր սեփականության իրավունքների հետ կապված պարտավորությունների կասեցման չափանիշներ»: