ՌԴ-ն և ԱՄՆ-ն ռուս-ուկրաինական հակամարտության լուծման շուրջ տարաձայնություններ չունեն. Պեսկով
1 րոպեի ընթերցում
Վաշինգտոնի և Մոսկվայի միջև տարաձայնություններ չկան, կա Ուկրաինայում իրավիճակը քաղաքական և դիվանագիտական միջոցներով լուծելու ցանկություն։ «Արմենպրես»-ի փոխանցմամբ՝ այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
Կրեմլի խոսնակին հարց են ուղղել՝ արդյոք Կրեմլում զգացողություն կա, որ Ռուսաստանի և Ուկրաինայի միջև բանակցային գործընթացը փակուղի է մտնում, կամ, առնվազն, որ Մոսկվայի և Վաշինգտոնի միջև տարաձայնությունները մեծանում են։
«Այստեղ տարաձայնություններ չկան։ Կա խնդիրն իսկապես քաղաքական և դիվանագիտական միջոցներով լուծելու և դա շատ արագ անելու ցանկություն», - Պեսկովի խոսքերն է մեջբերում «ՌԻԱ նովոստի» գործակալությունը։
ԱՄՆ-ի կողմից ռուս-ուկրաինական հակամարտությունը լուծելու ջանքերի ֆոնին Ուկրաինային ռուսական նոր հարվածների պատճառով ԱՄՆ նախագահ Դոնալդ Թրամփը վերջերս հայտարարել է, որ «գոհ չէ» ՌԴ նախագահ Վլադիմիր Պուտինից։