368.59
Ռուսաստանը Հնդկաստանը համարում է կարևոր գործընկեր ռազմական և ռազմատեխնիկական ոլորտներում
1 րոպեի ընթերցում
Հնդկաստանը Ռուսաստանի կարևոր ռազմավարական գործընկերն է ռազմական և ռազմատեխնիկական ոլորտներում: «Արմենպրես»-ի փոխանցմամբ՝ այս մասին հայտարարել է ՌԴ պաշտպանության նախարար Անդրեյ Բելոուսովը Հնդկաստանի պաշտպանության նախարար Ռաջնաթ Սինգհի հետ կայացած հանդիպման ժամանակ։
«Հնդկաստանը մեզ համար բացառիկ կարևոր ռազմավարական գործընկեր է, ավանդական բարեկամ, այդ թվում՝ գործընկեր ռազմական և ռազմատեխնիկական ոլորտներում», - Բելոուսովի խոսքերն է մեջբերում «Ինտերֆաքս» գործակալությունը։
Սկսելով բանակցությունները՝ նա անկեղծ ցավակցություն է հայտնել Ահմեդաբադի օդանավակայանում ինքնաթիռի վթարի կապակցությամբ՝ խնդրելով կարեկցության և աջակցության խոսքեր փոխանցել զոհվածների հարազատներին ու մերձավորներին։
Բելոուսովը նաև շնորհակալություն է հայտնել իր գործընկերոջը Հայրենական մեծ պատերազմում տարած Հաղթանակի 80-ամյակին նվիրված հանդիսավոր միջոցառումներին հնդկական պատվիրակության մասնակցության համար։
Երկու երկրների ռազմական գերատեսչությունների ղեկավարների հանդիպումը տեղի է ունեցել Չինաստանի Ցինդաո քաղաքում, որտեղ հունիսի 26-ին ավելի վաղ անցկացվել է Շանհայի համագործակցության կազմակերպության անդամ երկրների պաշտպանության նախարարների հանդիպումը։
Բաժանորդագրվեք մեր ալիքին Telegram-ում