Հնդկաստանի նախագահին և վարչապետին ցնցել է տեղի ունեցած ավիավթարը

Հնդկաստանի վարչապետ Նարենդրա Մոդին վշտացած է Ահմեդաբադում տեղի ունեցած ավիաաղետից, որի հետևանքով, ըստ ԶԼՄ-ների, զոհվել են ինքնաթիռում գտնվող բոլոր 242 ուղևորները և անձնակազմի անդամները։ «Արմենպրես»-ի փոխանցմամբ՝ այս մասին նա գրել է X սոցիալական հարթակում։

«Ահմեդաբադում տեղի ունեցած ողբերգությունը մեզ ցնցել և վշտացրել է։ Այն անբացատրելի սրտաճմլիկ է։ Այս տխուր պահին իմ մտքերը բոլոր տուժածների հետ են։ Կապի մեջ եմ նախարարների և իշխանությունների հետ, որոնք աշխատում են տուժածներին օգնելու համար», - նշել է նա։

The tragedy in Ahmedabad has stunned and saddened us. It is heartbreaking beyond words. In this sad hour, my thoughts are with everyone affected by it. Have been in touch with Ministers and authorities who are working to assist those affected.

— Narendra Modi (@narendramodi) June 12, 2025

Իր հերթին Հնդկաստանի նախագահ Դրուպադի Մուրմուն X հարթակում գրառման մեջ իր ափսոսանքն ու զորակցությունն է հայտնել  տեղի ունեցած ավիավթարի կապակցությամբ։

«Խորապես վշտացած եմ Ահմեդաբադում տեղի ունեցած ողբերգական ավիավթարի լուրից։ Դա սիրտ խոցող աղետ է։ Իմ մտքերն ու աղոթքները տուժածների հետ են։ Ազգը նրանց կողքին է այս աննկարագրելի վշտի ժամին», - նշել է նախագահը։

I am deeply distressed to learn about the tragic plane crash in Ahmedabad. It is a heart-rending disaster. My thoughts and prayers are with the affected people. The nation stands with them in this hour of indescribable grief.

— President of India (@rashtrapatibhvn) June 12, 2025

Air India ավիաընկերության մարդատար ինքնաթիռն Ահմեդաբադից վերելք է կատարել տեղական ժամանակով 13։38-ին և ուղղություն վերցրել դեպի Լոնդոնի Գեթվիք օդանավակայան, ուր պետք է ժամաներ տեղական ժամանակով 18։25-ին։ Րոպեներ անց ինքնաթիռը կործանվել է։ Ինքնաթիռից դադարել են տվյալներ ստանալ, երբ այն գտնվում էր 190 մ բարձրության վրա։ Օդանավում գտնվել է 230 ուղևոր և անձնակազմի 12 անդամ։ Air India ավիաընկերությունը X սոցիալական հարթակում հաղորդել է, որ օդանավում գտնվող ուղևորների թվում էին 169 հնդիկ, 53 բրիտանացի, 7 պորտուգալացի, 1 կանադացի։