Ուկրաինայում հակամարտության տևողությունը կախված է ՌԴ-ի դեմ պատժամիջոցների արդյունավետությունից. Մերց
1 րոպեի ընթերցում
Գերմանիայի կանցլեր Ֆրիդրիխ Մերցը կարծում է, որ Ուկրաինայում հակամարտության տևողությունը կախված է Ռուսաստանի դեմ պատժամիջոցների արդյունավետությունից։ Այդ մասին տեղեկացնում է «Արմենպրես»-ը՝ վկայակոչելով Breakingthenews.net-ը։
«Այն հարցը, թե որքան ժամանակ Ռուսաստանը կարող է դիմակայել այս պատերազմին, կախված է նաև նրանից, թե որքան արդյունավետ կլինեն պատժամիջոցները։ Ահա թե ինչու մենք և ես անձամբ այդքան ձգտում ենք, որ ԱՄՆ-ն հիմա պատժամիջոցներ կիրառի», - ասել է Մերցը Նիդեռլանդների վարչապետ Դիկ Սխոֆի հետ համատեղ մամուլի ասուլիսում։
Գերմանիայի կանցլերը նշել է, որ Ռուսաստանի Դաշնության նկատմամբ ԵՄ նոր սահմանափակումները կանդրադառնան բանկային և էներգետիկ ոլորտների վրա։
Միաժամանակ Մերցը հայտարարել է, որ անհնար է թուլացնել ջանքերը ո՛չ Ուկրաինային ռազմական աջակցություն ցուցաբերելու, ո՛չ էլ Ռուսաստանի Դաշնության դեմ պատժամիջոցների պահպանման ապահովման հարցում։