Մարմնամարզիկ Համլետ Մանուկյանը Եվրոպայի առաջնության չեմպիոն է. Խաչատրյանը դարձավ արծաթե մեդալակիր

Հայաստանի մարմնամարզության հավաքականի անդամ Համլետ Մանուկյանը դարձավ Եվրոպայի չեմպիոն, Մամիկոն Խաչատրյանը Եվրոպայի առաջնության փոխչեմպիոն է:

«Արմենպրես»-ի հաղորդմամբ` գերմանական Լայպցիգ քաղաքում ընթացող սպորտային մարմնամարզության Եվրոպայի առաջնության նժույգ-թափերի եզրափակիչում Համլետ Մանուկյանը հավաքեց 14.766 միավոր և զբաղեցրեց առաջին հորիզոնականը, իսկ Մամիկոն Խաչատրյանը 14.733 միավորով երկրորդն է: 

Համլետ Մանուկյանն ու Մամիկոն Խաչատրյանն առաջին անգամն էին մասնակցում մեծահասակների Եվրոպայի առաջնությանը: