Պուտինը և Թրամփը քննարկել են ՌԴ-ի և Ուկրաինայի միջև ամենաբարձր մակարդակով ուղիղ շփումները
1 րոպեի ընթերցում
Ռուսաստանի և Ուկրաինայի միջև ամենաբարձր մակարդակով ուղիղ շփումների թեման քննարկվել է ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի զրույցի ընթացքում: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հայտնել է Կրեմլի ներկայացուցիչ Դմիտրի Պեսկովը։
«Անշուշտ, քննարկվել է Ռուսաստանի և Ուկրաինայի միջև ուղիղ շփումների և ուղիղ շփումները շարունակելու թեման», - լրագրողներին ասել է Ռուսաստանի նախագահի մամուլի քարտուղարը՝ պատասխանելով Պուտինի և Թրամփի միջև մայիսի 19-ին կայացած զրույցին վերաբերող համապատասխան հարցին։
Պարզաբանող հարցին, թե արդյոք խոսք եղել է Ռուսաստանի և Ուկրաինայի միջև բարձր մակարդակի շփումների մասին, Պեսկովը պատասխանել է. «Իհարկե»։