Դատախազությունը նվազեցրել է վճռաբեկ բողոքների թիվը՝ հիմնվելով նախադեպային որոշումների վրա

2 րոպեի ընթերցում

Ազգային ժողովում գլխավոր դատախազ Աննա Վարդապետյանն անդրադարձավ դատախազության բողոքարկման քաղաքականության փոփոխությանն՝ ընդգծելով, որ բողոքները ներկայացվում են միայն հեռանկարային դեպքերում՝ խուսափելով դատարանների անհարկի ծանրաբեռնվածությունից։ «Արմենպրես»-ի հաղորդմամբ՝ գլխավոր դատախազ Աննա Վարդապետյանը տեղեկացրեց, որ 2024 թվականին գլխավոր դատախազի և նրա տեղակալների կողմից ներկայացված վճռաբեկ բողոքների 11,3 տոկոսը բավարարվել է, մինչդեռ 2023 թվականին այդ ցուցանիշը կազմել է 5,3 տոկոս։ Աննա Վարդապետյանը բացատրեց այս աճը դատախազության նոր մոտեցմամբ։

Նրա խոսքով՝ դատախազությունը հիմք է ընդունում վճռաբեկ դատարանի նախկինում կայացրած նախադեպային որոշումները և խուսափում է բարձր ատյանները ծանրաբեռնել այն գործերով, որոնց վերաբերյալ արդեն կան հստակ դիրքորոշումներ։

«Այս թվային տարբերությունը պայմանավորված է ոչ թե նրանով, որ վճռաբեկ դատարանը հակված է բավարարելու դատախազության բողոքները, այլ նրանով, որ մենք բողոք ենք ներկայացնում միայն այն դեպքերում, երբ տեսնում ենք հեռանկար»,-ասաց նա։

Վարդապետյանը նշեց, որ նման մոտեցում է կիրառվում նաև վերաքննիչ բողոքների դեպքում։ Գլխավոր դատախազը մատնանշեց  մի նրբություն ևս՝ կապված պատժաչափերի և դատական գործընթացի ողջամիտ ժամկետների հետ։

«Շատ դեպքերում, երբ անգամ համաձայն չենք պատժի չափի հետ, հաշվի ենք առնում, որ առաջին ատյանի քննությունը երկար է տևել։ Այս պարագայում գերադասում ենք, որ դատական ակտն ուժի մեջ մտնի, որպեսզի արդարադատությունն իրականացվի և նոր գործընթացով չվտանգվի ողջամիտ ժամկետը»,-ասաց Վարդապետյանը։

Գլխավոր դատախազը նաև նշեց, որ վերջին շրջանում դատախազությունը հրապարակում է առաջին ատյանի դատարանի կողմից կայացված դատավճիռները՝ նույնիսկ այն դեպքերում, երբ դրանք որոշակի տարբերություն ունեն դատախազության առաջարկած պատժի համեմատ։

«Եթե պատժի տարբերությունը կազմում է 6 ամիս կամ մեկ տարի, դա վճռորոշ չէ արդարադատության տեսանկյունից, և նման դեպքերում ևս բողոք չենք ներկայացնում»,-եզրափակեց Վարդապետյանը։

 

Հայերեն

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը