368.52
Աշխատող քաղաքացու ձեռքերով է ամրանում մեր պետությունն ու անվտանգությունը. ԱԺ նախագահի ուղերձն Աշխատանքի և աշխատավորների համերաշխության օրվա առթիվ
1 րոպեի ընթերցում
Ազգային ժողովի նախագահ Ալեն Սիմոնյանը շնորհավորական ուղերձ է հղել Աշխատանքի և աշխատավորների համերաշխության միջազգային օրվա առթիվ։ «Արմենպրես»-ի հաղորդմամբ՝ ուղերձը հրապարակվել է ԱԺ նախագահի «Ֆեյսբուք»-ի էջում, որում ասվում է․
«Սիրելի՛ քաղաքացիներ,
Մայիսի 1-ը մեր բոլորի համար հատուկ օր է՝ նվիրված արարող մարդու անկոտրում կամքին, նվիրումին և ամենօրյա աշխատանքին։ Հենց աշխատող քաղաքացու տքնաջան ու հուսալի ձեռքերով է ձևավորվում իր իսկ ընտանիքի բարեկեցությունը, ինչպես նաև ամրանում մեր պետությունն ու անվտանգությունը։
Ցանկանում եմ երախտագիտությունս հայտնել ձեզ՝ ձեր ամենօրյա ջանքերի և պատասխանատու վերաբերմունքի համար։
Ձեր ստեղծագործ ու նվիրված աշխատանքն է այն հիմքը, որի վրա պետք է կառուցենք ավելի արդար, բարեկեցիկ և անվտանգ Հայաստան»։
Բաժանորդագրվեք մեր ալիքին Telegram-ում