360.51
Արուսյակ Ջուլհակյանն առաջարկում է ընդլայնել ԱԺ խմբակցությունների կողմից լսումներ կազմակերպելու հնարավորությունները
2 րոպեի ընթերցում
Պետական-իրավական հարցերի մշտական հանձնաժողովի նախագահ Արուսյակ Ջուլհակյանը առաջարկում է Ազգային ժողովի խմբակցություններին ավելի հաճախ խորհրդարանական լսումներ կազմակերպելու հնարավորություն ընձեռնել։ «Արմենպրես»-ի հաղորդմամբ՝ այդ նպատակով հանձնաժողովի նախագահը նախատեսվում է քննարկել օրենսդրական փոփոխություն, որը խմբակցություններին թույլ կտա ընդլայնել լսումների կազմակերպման հնարավորությունները՝ առանց հայտարարությունների նախագծեր շրջանառելու անհրաժեշտության։
Առաջարկը Արուսյակ Ջուլհակյանը ներկայացրել է նոյեմբերի 12-ին ԱԺ պետական-իրավական հարցերի մշտական հանձնաժողովի նիստում։
Պատգամավորն այս հարցին անդրադարձել է «Հայաստան» խմբակցության՝ ժողովրդավարության վիճակի վերաբերյալ հայտարարության նախագծի քննարկման ընթացքում։
«Կարծում եմ՝ մենք պետք է օրենսդրական փոփոխություն կատարենք և հնարավորություն տանք խմբակցություններին ավելի հաճախ կազմակերպել լսումներ և դրա համար հայտարարության տեքստեր ստիպված չլինել շրջանառել»,- ասել է Ջուլհակյանը։
Հանձնաժողովի նախագահը նշել է, որ այս մոտեցմամբ հնարավոր կլինի նաև նվազեցնել հայտարարությունների տեքստերի մշակման և հանձնաժողովներում դրանց քննարկման հետ կապված ծանրաբեռնվածությունը։
«Որպեսզի չտանջվեն խմբակցությունները և հայտարարության տեքստ չմշակեն, հանձնաժողովները չծանրաբեռնվեն այդ տեքստերով, ես առաջարկելու եմ առաջիկայում խմբակցություններին հնարավորություն տալ ընդլայնել լսումներ իրականացնելու իրենց հնարավորությունները»,- հայտարարել է նա։
Բաժանորդագրվեք մեր ալիքին Telegram-ում