1 րոպեի ընթերցում
Իրանի հարավային նավահանգստում ապրիլի 26-ի կեսօրին տեղի ունեցած պայթյունի հետևանքով տուժածների թիվը հասել է 516-ի:
«Արմենպրես»-ի հաղորդմամբ՝ այս մասին հայտնում է Fars-ը լրատվական գործակալությունը:
Բանդար Աբբաս նավահանգստում որոտացած հզոր պայթյունն, ըստ տեղական լրատվամիջոցների, տեղի է ունեցել նավամատույցում՝ վառելիքի բաքի բռնկման պատճառով: Պայթյունն այնքան հզոր է եղել, որ զգացվել է կիզակետից առնվազն 20 կիլոմետր հեռավորության վրա՝ Պարսից ծոցի Քեշմ կղզում։ Մի քանի կիլոմետր շառավղով գտնվող շենքերում և տներում վնասվել են պատուհանները:
Իրանի ներքին գործերի նախարարությունը կարգադրել է հետաքննություն սկսել։