1 րոպեի ընթերցում
Ադրբեջանի ԶՈՒ ստորաբաժանումներն ապրիլի 23-ին ժամը 22:20-ի սահմաններում կրակ են բացել Սյունիքի մարզի Խոզնավար բնակավայրի ուղղությամբ, ինչի հետևանքով վնասվել է բնակելի տուն։
«Արմենպրես»-ի փոխանցմամբ՝ այս մասին հայտնում են Հայաստանի պաշտպանության նախարարությունից, նշելով, որ տուժածներ չկան:
«Ադրբեջանական կողմին կոչ ենք անում հետաքննել Խոզնավարի բնակելի տան գնդակոծման փաստը և հանդես գալ հրապարակային պարզաբանումներով։
Հիշեցնենք, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը չի արձագանքել»,- նշված է ՀՀ ՊՆ-ի տարածած հաղորդագրության մեջ;
Ընդգծենք, որ վերջին օրերի ընթացքում ադրբեջանական ԶՈՒ-ն պարբերաբար թիրախավորում է հայկական կողմի բնակելի ենթակառուցվածքները։