Անահիտ Ավանեսյանը «Սուրբ Գրիգոր Լուսավորիչ» ԲԿ-ի անձնակազմին է ներկայացրել տնօրենի ժամանակավոր պաշտոնակատարին
1 րոպեի ընթերցում
Հայաստանի առողջապահության նախարար Անահիտ Ավանեսյանը «Սուրբ Գրիգոր Լուսավորիչ» բժշկական կենտրոնի բժշկական և վարչական աշխատակազմին է ներկայացրել տնօրենի ժամանակավոր պաշտոնակատար Նարեկ Զեյնալյանին։
Ինչպես «Արմենպրես»-ը տեղեկանում է Առողջապահության նախարարության տարածած հաղորդագրությունից, Անահիտ Ավանեսյանն իր խոսքում շնորհակալություն է հայտնել նախկին տնօրեն Արման Հովակիմյանին և ողջ թիմին` կատարած մեծ աշխատանքի համար։
Տնօրենի ժամանակավոր պաշտոնակատար Նարեկ Զեյնալյանին մաղթել է հաջողություններ առաջիկա ծրագրերում ու աշխատանքում։