ԵՄ առաքելությունն ավելացրել է գիշերային պարեկությունների քանակը հայ-ադրբեջանական սահմանի երկայնքով

Հայաստանի տարածքում գործունեություն ծավալող Եվրոպական միության դիտորդական առաքելությունը մարտ ամսից ավելացրել է գիշերային պարեկության թիվը հայ-ադրբեջանական սահմանի երկայնքով՝ նպատակ ունենալով բարելավել գիշերային անվտանգությունը և նվազեցնել հնարավոր լարվածությունը։

«Արմենպրես»-ի հաղորդմամբ՝ այս մասին նշված է Հայաստանում ԵՄ դիտորդական առաքելության X-ի միկրոբլոգում տարածված գրառման մեջ։

Starting from March, #EUMA has increased the number of night patrols along the 🇦🇲 side of 🇦🇲-🇦🇿 to enhance nighttime security and safety and relieve possible tensions. Our monitors remain committed around the clock, ensuring a continuous presence day and night. 🇪🇺🇦🇲 pic.twitter.com/rKqssFfOyV

— European Union Mission in Armenia (@EUmARMENIA) April 9, 2025

«Հայաստանում ԵՄ դիտորդական առաքելությունը մարտից ավելացրել է գիշերային պարեկությունների թիվը Հայաստան-Ադրբեջան սահմանի հայկական հատվածի երկայնքով՝ գիշերային անվտանգությունն ու ապահովությունը բարձրացնելու և հնարավոր լարվածությունը թոթափելու համար։ Մեր դիտորդները ամեն ժամ հավատարիմ են մնում շարունակական ներկայությունն օր ու գիշեր ապահովելուն»,-նշված է տարածված գրառման մեջ: