Դատարանը Ստամբուլի քաղաքապետին կալանավորելու որոշում է կայացրել

Դատարանը որոշում է կայացրել Ստամբուլի քաղաքապետ Էքրեմ Իմամօղլուի ձերբակալման վերաբերյալ՝ կոռուպցիոն հետաքննության շրջանակներում։

«Արմենպրես»-ի հաղորդմամբ՝ ինչպես հայտնում է BBC-ի թուրքական ծառայությունը, Էքրեմ Իմամօղլուն ենթարկվել է դատական ​​քննության՝ ահաբեկչության վերաբերյալ հետաքննության շրջանակներում։ 

Ըստ աղբյուրի՝ նա հերքել է իրեն ներկայացված մեղադրանքը՝ հայտարարելով, որ այն քաղաքական բնույթ է կրում:

Դատարան են ուղարկվել 91 մարդու, այդ թվում՝ Իմամօղլուի կալանավորման միջնորդություններ։ Նրանցից մի քանիսի վերաբերյալ որոշումները հրապարակվել են մարտի 23-ի առավոտյան։

Ձերբակալվածների թվում են նաև Ստամբուլի պլանավորման գործակալության (IPA) նախագահ, դոցենտ, դոկտոր Մեհմեդ Չավուշօղլուն, գործարարներ և այլն: