Ռուսական հանրային մուլտիպլեքսում Հայաստանի Հանրային հեռուստաընկերության հեռարձակման հարցն օրակարգում է. նախարար
1 րոպեի ընթերցում
Հայաստանի Հանրային հեռուստաընկերության՝ Ռուսաստանի հանրային մուլտիպլեքսում հեռարձակվելու հարցն օրակարգում է, հայկական կողմը նման առաջարկ է արել:
«Արմենպրես»-ի փոխանցմամբ՝ ԱԺ–ում լրագրողների հետ զրույցում այս մասին ասաց Բարձր տեխնոլոգիական արդյունաբերության նախարար Մխիթար Հայրապետյանը:
«Հանրային հեռուստաընկերության՝ Ռուսաստանում հեռարձակվելու հարցը ևս օրակարգում է: Մենք համարում ենք, որ, եթե ռուսական կողմն ունի հանրային մուլտիպլեքս, ապա Հանրային հեռուստաընկերությունը նույնպես կարող է հեռարձակվել ռուսական հանրային մուլտիպլեքսով: Եվ նախկինում այդ առաջարկն արել ենք ռուսական կողմին, դա դեռևս չի ընդունվել»,–ասաց Հայրապետյանը:
Նրա խոսքով՝ Հայաստանում ռուսական հեռուստաալիքների հեռարձակմանն առնչվող համաձայնագրով ռուսական կողմը չի պարտավորվել Հայաստանի Հանրային հեռուստաընկերությունը հեռարձակել հանրային մուլտիպլեքսում: