1 րոպեի ընթերցում
ՈՒԵՖԱ-ի Ազգերի լիգայի անցումային խաղերի շրջանակներում Հայաստանի ֆուտբոլի ազգային ընտրանին Վազգեն Սարգսյանի անվան Հանրապետական մարզադաշտում ընդունեց Վրաստանի հավաքականին:
«Արմենպրես»-ի հաղորդմամբ` մեկնարկային րոպեներին երկու թիմերը փոխանակվում էին գրոհներով` հստակ գործելով հարձակման ու պաշտպանության գծում:
Խաղակեսի միջնամասում արդեն վրացիներն առավել շատ էին տիրում նախաձեռնությանը: Ունեցած առավելությունը Վրաստանի հավաքականը գոլի վերածեց 32-րդ րոպեին: Աչքի ընկավ Գիորգի Գոչոլեշվիլին: Ընդամենը 4 րոպե անց` արագ հակագրոհներից մեկի ժամանակ, Վրաստանի երկրորդ գոլը խփեց Գիորգի Միկաուտաձեն:
Երկրորդ կեսի մեկնարկին, օգտվելով Հայաստանի ֆուտբոլի ազգային թիմի սխալից, Վրաստանի ընտրանին արագ հակագրոհեց` երրորդ գնդակն ուղարկելով Չանչարևիչի դարպասը: Դուբլի հեղինակ դարձավ Գիորգի Միկաուտաձեն:
Հայաստան-Վրաստան` 0:3: Թիմերի երկրորդ հանդիպումը կկայանա մարտի 23-ին Թբիլիսի քաղաքում:
