Ռասմուսենը հույս է հայտնել, որ միջազգային հանրությունն Ադրբեջանին ուղերձ կհղի Հայաստանի դեմ հնարավոր ռազմական ագրեսիայի անթույլատրելիության վերաբերյալ
1 րոպեի ընթերցում
ՆԱՏՕ-ի նախկին գլխավոր քարտուղար Անդերս Ֆոգ Ռասմուսենը հույս է հայտնել, որ միջազգային հանրությունն Ադրբեջանին ուղերձ կհղի առ այն, որ Հայաստանի դեմ Ադրբեջանի հնարավոր ռազմական ագրեսիան իր համար անընդունելի է։
«Արմենպրես»-ի հաղորդմամբ՝ ՆԱՏՕ-ի նախկին գլխավոր քարտուղարն այդ մասին ասել է Իջևանում կայացած մամուլի ասուլիսի ժամանակ։
ՆԱՏՕ-ի նախկին գլխավոր քարտուղարը նշել է, որ ինքը տեղեկատվության չի տիրապետում Ադրբեջանի կողմից Հայաստանի դեմ հավանական ռազմական գործողություն նախապատրաստելու վերաբերյալ։
«Ես հույս ունեմ, որ միջազգային հանրությունն իր կողմից ուղերձ կհղի Ադրբեջանին, որ վերջինիս հարձակումը կամ ռազմական ագրեսիան Հայաստանի նկատմամբ չի կարող ընդունելի լինել միջազգային հանրության համար»,-ընդգծել է Ռասմուսենը։
Նա նաև շեշտել է, որ չպետք է կորսվի Հայաստանի և Ադրբեջանի միջև խաղաղության հասնելու այն հնարավորությունը, որը տրվել է կողմերի միջև ձեռք բերված խաղաղության համաձայնագրի շուրջ համաձայնության հասնելու շնորհիվ։