Ստոկհոլմը Երևանին և Բաքվին խրախուսում է արագորեն ստորագրել խաղաղության շուրջ համաձայնեցված տեքստը

Շվեդիայի արտաքին գործերի նախարարությունը ողջունել է Հայաստանի և Ադրբեջանի միջև խաղաղության համաձայնագրի տեքստի վերաբերյալ բանակցությունների ավարտը՝ խրախուսելով կողմերին արագորեն ստորագրել այն։ 

«Արմենպրես»-ի հաղորդմամբ՝ այս մասին ասված է Շվեդիայի արտաքին գործերի նախարարության X-ի միկրոբլոգում արված գրառման մեջ։ 

«Շվեդիան ողջունում է լուրը, որ Հայաստանն ու Ադրբեջանը համաձայնության են եկել խաղաղության պայմանագրի տեքստի վերաբերյալ և խրախուսում է դրա արագ ստորագրումը` նպաստելու համար տարածաշրջանում կայուն խաղաղությանը, կայունությանը և բարգավաճմանը»,-նշված է Շվեդիայի ԱԳ նախարարության գրառման մեջ: 

Sweden welcomes the news that Armenia and Azerbaijan have agreed on the text of a peace treaty and encourages a swift signing to contribute to lasting peace, stability, and prosperity in the region. https://t.co/0ndjszqysn

— Swedish Ministry for Foreign Affairs (@SweMFA) March 15, 2025

Հայաստանն ու Ադրբեջանը մարտի 13-ին հայտարարել են, որ վերջնական համաձայնության են հասել խաղաղության համաձայնագրի նախագծի տեքստի շուրջ։ Հայաստանի արտաքին գործերի նախարարությունը հայտարարել է, որ պատրաստ է Բաքվի հետ քննարկումներ սկսել համաձայնագրի ստորագրման ժամկետների և վայրի վերաբերյալ։  Բազմաթիվ երկրներ արդեն ողջունել են Հայաստանի և Ադրբեջանի միջև համաձայնության ձեռքբերումը խաղաղության համաձայնագրի տեքստի շուրջ և հույս են հայտնել, որ այն կստորագրվի հնարավորինս շուտ։