Ֆրանսիայի ԱԳՆ-ն Եվրոպային կոչ է արել ուժեղացնել իր կշիռը ՆԱՏՕ-ում և այն վերցնել վերահսկողության ներքո
1 րոպեի ընթերցում
Poltique Paris (VIIIe), le 2023 Conseil des ministres Jean-Noël Barrot Ministre délégué auprès du ministère de l'Économie, des Finances et de la Souveraineté industrielle et numérique, chargé de la Transition numérique et des Télécommunications Photo LP / Fred Dugit
Եվրոպայի երկրները պետք է իրենց վերահսկողության տակ վերցնեն Հյուսիսատլանտյան դաշինքը՝ զգալիորեն ուժեղացնելով իրենց ազդեցությունը դրանում։ «Արմենպրես»-ի փոխանցմամբ՝ այս մասին France Info հեռուստաալիքի եթերում հայտարարել է Ֆրանսիայի արտգործնախարար Ժան-Նոել Բարոն։
«Այժմ հարմար ժամանակն է ՆԱՏՕ-ում Եվրոպայի կշիռն ամրապնդելու համար: Դա նշանակում է ուժեղացում ռազմավարական հարցերում, բայց նաև տեսլականի փոփոխություն. այժմ մեզ համար եկել է ժամանակը վերցնելու վերահսկողությունը ՆԱՏՕ-ի նկատմամբ», - ասել է Ֆրանսիայի արտաքին քաղաքական գերատեսչության ղեկավարը:
Նրա խոսքով՝ Եվրոպան պետք է զարգացնի իր սեփական պաշտպանական ներուժը։
«Անհրաժեշտ է եվրոպականացնել դաշինքը, որը մինչ այժմ եղել է կարծես մի ակումբ ԱՄՆ-ի հովանու ներքո, որը տասնամյակներով մեզ հնարավորություն է ընձեռել ապրելու անհոգության մեջ։ Այժմ իրավիճակը փոխվել է», - ընդգծել է Բարոն։
ԱՄՆ նախագահ Դոնալդ Թրամփը բազմիցս դժգոհություն է հայտնել ՆԱՏՕ-ի գործունեությունից։ Դեռևս իր ընտրվելուց առաջ նա սպառնացել էր դուրս բերել ԱՄՆ-ն Հյուսիսատլանտյան դաշինքից, եթե եվրոպացի գործընկերներն ավելի մեծ ֆինանսական պատասխանատվություն չստանձնեն սեփական անվտանգության համար: