1 րոպեի ընթերցում
Երգիչ, երգահան Վահագն Ռաշը, ով երաժշտական շունչ ու հոգի է տալիս հայ մեծանում բանաստեղծների ստեղծագործություններին, թողարկել է նոր երգ՝ Պարույր Սևակի «Անկեղծ ասած» բանաստեղծության հիման վրա:
«Արմենպրես»-ի փոխանցմամբ՝ երգը հրապարակվել է Պարույր Սևակի ծննդյան օրը՝ հունվարի 24-ին:
Գործիքավորման հեղինակն է Կարեն Արզումանյանը, միքսն ու մաստերինգը՝ Սերգեյ Գասպարյանի։
Առաջիկայում երգիչը կներկայացնի ևս երկու երգ՝ Սևակի խոսքերով: Կներկայացվի նաև մեկ օրորոցային երգ:
Տերյանի «Մի խառնեք մեզ ձեր վայրի արջի ցեղերին» տողերը ևս շուտով կդառնան երգ:
Եվս երկու երգ կգրվի՝ Իսահակյանի ստեղծագործությունների հիման վրա:
Մեկ երգ էլ կլինի արևմտահայերեն։