1 րոպեի ընթերցում
Պաղեստինյան ՀԱՄԱՍ շարժումը հունվարի 25-ին Կարմիր Խաչի միջազգային կոմիտեին է հանձնել իսրայելցի չորս կին պատանդի: «Արմենպրես»-ի հաղորդմամբ՝ այս մասին հայտնում է Al Aqsa հեռուստաալիքը՝ նշելով, որ դա տեղի է ունեցել Գազա քաղաքի Պաղեստինի հրապարակում:
Ավելի վաղ «Ալ Քասամ» բրիգադները (ՀԱՄԱՍ) հայտարարել էին, որ շաբաթ օրը ազատ են արձակելու իսրայելցի պատանդներ Կարինա Արիևին, Դանիել Գիլբոային, Նաամա Լևիին և Լիրի Էլբագին:
Իր հերթին, գերիների և զոհվածների հարցերով ՀԱՄԱՍ-ի գրասենյակը հայտնել է, որ Իսրայելն այսօր ազատելու է պաղեստինցի 200 բանտարկյալների, որոնցից 121-ը դատապարտված է ցմահ ազատազրկման։