Հայաստանը կարող է նշանակալի ներդրում կատարել միջտարածաշրջանային կոմունիկացիաների զարգացման գործում․ Միրզոյան
1 րոպեի ընթերցում
Հայաստանը, գտնվելով յուրահատուկ խաչմերուկում, կարող է նշանակալի ներդրում կատարել միջտարածաշրջանային կոմունիկացիաների զարգացման գործում՝ նպաստելով տարածաշրջանի լոգիստիկ գրավչության մեծացմանը, ինչին էլ միտված է ՀՀ կառավարության առաջարկած «Խաղաղության խաչմերուկ» նախագիծը:
«Արմենպրես»-ի փոխանցմամբ՝ Մոսկվայում ՌԴ ԱԳ նախարար Սերգեյ Լավրովի հետ համատեղ ասուլիսի ընթացքում հայտարարեց ՀՀ արտաքին գործերի նախարար Արարատ Միրզոյանը։
««Խաղաղության խաչմերուկ» նախագիծը հիմնված է բոլոր պետությունների ինքնիշխանության և իրավազորության հարգման, ինչպես նաև հավասարության և փոխադարձության սկզբունքի վրա: Ուրախ եմ ընդգծել, որ այս նախագիծն արժանացել է մի շարք միջազգային կազմակերպությունների և երկրների, այդ թվում՝ Ռուսաստանի, դրական արձագանքին»,- ասաց Միրզոյանը: