Լոս Անջելեսում մոլեգնող հրդեհների զոհերի թիվը հասել է 10-ի. օդերևութաբանները կանխատեսում են ուժեղ քամիներ
1 րոպեի ընթերցում
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի Լոս Անջելեսի շրջանում հրդեհների հետևանքով զոհերի թիվը հասել է 10-ի: «Արմենպրես»-ի փոխանցմամբ՝ այդ մասին հաղորդել են տեղի բժշկական փորձաքննության գերատեսչությունից:
Լոս Անջելեսի շրջանում տասնյակ հազարավոր բնակիչների համար պարտադիր տարհանման հրամաններ են տրվել։ Հրշեջ ծառայության ղեկավարը խոստովանել է, որ ռեսուրսները նախատեսված են մեկ կամ երկու խոշոր հրդեհների դեմ պայքարելու համար: Իրավիճակը բարդացնում են սաստիկ քամիները, որոնց պատճառով ժամանակավորապես դադարեցվել են ավիացիայի աշխատանքները, իսկ Փալիսեյդսի շրջանում հրշեջ շիթերը չեն գործել:
Այս հրդեհները Լոս Անջելեսի պատմության մեջ դասվել են ամենաավերիչ հրդեհների շարքին:
Կալիֆոռնիայում մոլեգնող հրդեհներից վնասի չափը հասել է 135-150 միլիարդ դոլարի: Օդերևութաբանները կանխատեսում են ուժեղ քամիներ և հաջորդ շաբաթ տարածաշրջանում հրդեհների վտանգի մեծացում։