398.94
Գերմանիայի և Ֆրանսիայի արտգործնախարարները մեկնել են Դամասկոս
1 րոպեի ընթերցում
ԵՐԵՎԱՆ, 3 ՀՈՒՆՎԱՐԻ, ԱՐՄԵՆՊՐԵՍ: Գերմանիայի արտաքին գործերի նախարար Աննալենա Բերբոքը և նրա ֆրանսիացի գործընկեր Ժան Նոել Բարոն հունվարի 3-ին այցով մեկնել են Դամասկոս՝ ԵՄ-ի անունից սիրիական նոր վարչակազմի հետ բանակցություններ վարելու համար: «Արմենպրես»-ի փոխանցմամբ՝ այդ մասին հաղորդում են արևմտյան լրատվամիջոցները:
«Այսօրվա իմ ուղևորությունը ֆրանսիացի գործընկերոջ հետ միասին Եվրամիության անունից հստակ ազդանշան է սիրիացիների համար, որ հնարավոր է նոր քաղաքական դարաշրջան սկսել Եվրոպայի և Սիրիայի, ինչպես նաև՝ Գերմանիայի և Սիրիայի միջև»,-արևմտյան ԶԼՄ-ները մեջբերում են Գերմանիայի արտաքին գործերի նախարար Աննալենա Բերբոքի խոսքը։
«Մենք ունենք նույն նպատակը, ինչ միլիոնավոր սիրիացիներ՝ հասնել նրան, որ Սիրիան կրկին կարողանա միջազգայնորեն հարգանք վայելել»,- շարունակել է նա:
Գերմանիայի ԱԳՆ-ի տվյալներով՝ Բերբոքը հանդիպում կունենա Սիրիայի նոր վարչակազմի ղեկավար, «Հայաթ Թահրիր աշ Շամ»-ի առաջնորդ Ահմադ աշ Շարաայի հետ։
Բաժանորդագրվեք մեր ալիքին Telegram-ում