1 րոպեի ընթերցում
ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության նախագահ Վլադիմիր Պուտինը հայտարարել է, որ պատրաստ է զրույցի ԱՄՆ նախագահ ընտրված Դոնալդ Թրամփի հետ ցանկացած ժամանակ, և որ համաձայն է հանդիպել նրա հետ։ «Արմենպրես»-ի փոխանցմամբ՝ այս մասին Պուտինն ասել է «Ուղիղ գծի» և մամուլի ասուլիսի ձևաչափով հարցուպատասխանի ժամանակ։
«Ես պատրաստ եմ դրան, իհարկե, ցանկացած ժամանակ: Եվ պատրաստ կլինեմ նաև հանդիպման, եթե նա ցանկանա դա», - ասել է ՌԴ նախագահը՝ պատասխանելով ամերիկացի լրագրողի հարցին Թրամփի հետ հնարավոր հանդիպման մասին:
Պուտինը հավելել է, որ չգիտի հնարավոր հանդիպման ժամկետների մասին։ ՌԴ նախագահը հիշեցրել է, որ Դոնալդ Թրամփի հետ չի խոսել չորս տարուց ավելի։