398.84
ՀՀ ԲՏԱ փոխնախարարն ընդունել է Հեռահաղորդակցության միջազգային միության տարածաշրջանային գրասենյակի տնօրենին
2 րոպեի ընթերցում
ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության բարձր տեխնոլոգիական արդյունաբերության նախարարի տեղակալ Գևորգ Մելիքսեթյանն ընդունել է ԱՊՀ տարածաշրջանի Հեռահաղորդակցության միջազգային միության (ՀՄՄ) տարածաշրջանային գրասենյակի տնօրեն Նատալյա Մոչուին և գրասենյակի ծրագրերի համակարգող Ֆարիդ Նախլիին:
Ինչպես «Արմենպրես»-ը տեղեկանում է ԲՏԱ նախարարության տարածած հաղորդագրությունից, հանդիպման ընթացքում Նատալիա Մոչուն ներկայացրել է ՀՄՄ-ի կողմից իրականացվող գլոբալ, տարածաշրջանային ծրագրերն, ամփոփել նախորդ տարվա ընթացքում կատարված աշխատանքների արդյունքները՝ մասնավորապես Հայաստանում իրականացված՝ երեխաների, ծնողների, երիտասարդների և սահմանափակ հնարավորություն ունեցող անձանց համար իրականացված ոլորտային ծրագրերն, անդրադարձել ՀՄՄ-ի 2025 թվականի ռազմավարական ուղղություններին և նախագծերին:
Նախարարի տեղակալ Մելիքսեթյանն իր հերթին ներկայացրել է նախարարության կողմից իրականացվող ոլորտային ծրագրերն ու նախաձեռնություններն, անդրադարձել ռազմավարական առաջնահերթություններին:
Այդ համատեքստում քննարկվել են Հայաստանի ներգրավվածության տարբեր հնարավորությունները ՀՄՄ-ի հետագա ծրագրերին և նախանշվել Հայաստանում իրականացվելիք առաջիկա անելիքները, պայմանավորվածություններ են ձեռք բերվել փոխհամագործակցության ընդլայնման ուղղությամբ:
Բաժանորդագրվեք մեր ալիքին Telegram-ում