ԵՄ-ն հաստատել է Ռուսաստանի դեմ պատժամիջոցների 15-րդ փաթեթը

2 րոպեի ընթերցում

ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ։ Եվրամիության երկրների ղեկավարները հաստատել են Ռուսաստանի դեմ պատժամիջոցների հերթական՝ 15-րդ փաթեթը։ «Արմենպրես»-ի փոխանցմամբ՝ այս մասին դեկտեմբերի 16-ին հաղորդագրություն է տարածել ԵՄ խորհրդի մամուլի ծառայությունը։

«Եվրոպական խորհուրդն այսօր հավանություն է տվել տնտեսական և անհատական ​​սահմանափակող միջոցների 15-րդ փաթեթին, որի նպատակն է ավելի սահմանափակել Ռուսաստանի հնարավորությունը՝ ծավալելու իր անօրինական, չհրահրված և չարդարացված պատերազմն Ուկրաինայի դեմ», - ասվում է փաստաթղթում։

Հաղորդագրության համաձայն՝ սահմանափակումները վերաբերում են 54 ֆիզիկական և 30 իրավաբանական անձանց, որոնք «պատասխանատու են Ուկրաինայի տարածքային ամբողջականությունը, ինքնիշխանությունը և անկախությունը խաթարող կամ դրանց սպառնացող գործողությունների համար»։

Եվրամիությունը պատժամիջոցներ է սահմանել նաև երրորդ երկրների 52 նավի նկատմամբ, որոնք, ըստ Բրյուսելի, օգտագործվել են Ռուսաստանի դեմ սահմանված սահմանափակող միջոցները շրջանցելու համար։ Այսպիսով, նման նավերի թիվը հասել է 79-ի։

«Խորհուրդը լրացուցիչ նավեր է ավելացնում այն ​​նավերի ցանկում, որոնց մուտքը նավահանգիստներ արգելված է, և որոնց արգելված է մատուցել ծովային փոխադրումների հետ կապված ծառայությունների լայն շրջանակ», - ասվում է հաղորդագրության մեջ։

Եվս 32 իրավաբանական անձ ավելացվել է այն իրավաբանական անձանց ցանկին, որոնք «ուղղակիորեն աջակցում են Ռուսաստանի ռազմարդյունաբերական համալիրին Ուկրաինայի դեմ պատերազմում»։ Այդ ընկերությունների նկատմամբ կսահմանվեն երկակի նշանակության ապրանքների և տեխնոլոգիաների արտահանման ավելի խիստ սահմանափակումներ։ Այդ ընկերություններից մի քանիսը տեղակայված են երրորդ երկրներում, այդ թվում՝ Չինաստանում, Հնդկաստանում, Իրանում, Սերբիայում և Արաբական Միացյալ Էմիրություններում։ 

Հայերեն العربية Русский

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը