Թուրքիան հույս ունի, որ Հայաստանը և Ադրբեջանը շուտով կհասնեն խաղաղ համաձայնության․ Թուրքիայի ՊՆ
1 րոպեի ընթերցում
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ։ Թուրքիան հույս ունի, որ Հայաստանը և Ադրբեջանը շուտով կհասնեն խաղաղ համաձայնության, ինչը հիմք կդառնա Հարավային Կովկասում երկարատև խաղաղության հաստատման համար։
«Արմենպրես»-ի հաղորդմամբ՝ այս մասին հայտարարել է Թուրքիայի ազգային պաշտպանության նախարար Յաշար Գյուլերը՝ ելույթ ունենալով երկրի խորհրդարանում։
«Հետևելով «մեկ ազգ, երկու պետություն» սկզբունքին՝ մենք միշտ եղել ենք մեր եղբայրների կողքին՝ հանուն Ադրբեջանի կայունության։ Ադրբեջանի անվտանգությունը և բարեկեցությունը անբաժան են Թուրքիայի անվտանգությունից։ Այսպես կլինի նաև ապագայում»,-շեշտել է Գյուլերը։
Գյուլերի բնորոշմամբ՝ թուրքական բանակը մնում է «ուժի գործոն», որը վստահություն է ներշնչում և որի վրա հենվում են բարեկամ և եղբայրական երկրները։