1 րոպեի ընթերցում
ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ։ Բրիտանացի դերասան Պապա Էսիեիդուն դիտարկվում է պրոֆեսոր Սևերուս Սնեյփի դերի համար HBO-ի «Հարրի Փոթեր» սերիալում։ «Արմենպրես»-ի փոխանցմամբ՝ այս մասին հաղորդում է Variety ամսագիրը՝ վկայակոչելով իր աղբյուրներին։
Աղբյուրները նշում են, որ առաջարկն արդեն արվել է, սակայն Էսիեիդուն դեռ պաշտոնապես չի համաձայնել դերին։
Ավելի վաղ Variety-ն հայտնել էր, որ «Հոգվարթս»-ի տնօրեն Ալբուս Դամբլդորի դերն առաջարկվել է բրիտանացի դերասան, ռեժիսոր և դրամատուրգ Մարկ Ռայլենսին։
Սնեյփը Ջոան Ռոուլինգի՝ Հարրի Փոթերի մասին պատմող վիպաշարի կերպարներից է՝ «Հոգվարթս»-ի բույսերի եփման և մթին արվեստներից պաշտպանության ուսուցիչը։