1 րոպեի ընթերցում
ԳԱՎԱՌ, 2 ԴԵԿՏԵՄԲԵՐԻ, ԱՐՄԵՆՊՐԵՍ։ 2024 թվականի նոյեմբեր ամսին Գեղարքունիքի մարզի ծննդօգնության աջակցություն իրականացնող բուժհաստատություններում ծնվել է 146 երեխա՝ 79 տղա և 67 աղջիկ։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի առողջապահության և սոցիալական հարցերի վարչությունից, 78 երեխա ծնվել է Մարտունիի ծննդատանը, 31 երեխա՝ Գավառի, 21 երեխա՝ Սևանի, 11 երեխա՝ Վարդենիսի բժշկական կենտրոններում և 5 երեխա՝ Ճամբարակի առողջության կենտրոնում։
Նորածիններից 29-ը լույս աշխարհ է եկել կեսարյան հատմամբ։
Գեղարքունիքի մարզպետի աշխատակազմի առողջապահության և սոցիալական հարցերի վարչության տվյալներով՝ 2023 թվականի նոյեմբեր ամսին Գեղարքունիքի մարզի ծննդօգնության աջակցություն իրականացնող բուժհաստատություններում լույս աշխարհ էր եկել 202 երեխա։