1 րոպեի ընթերցում
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության և Վրաստանի սահմանին գտնվող «Վերին Լարս» ավտոմոբիլային անցակետը բաց է բոլոր տեսակի տրանսպորտային միջոցների համար:
«Արմենպրես»-ի փոխանցմամբ՝ այս մասին հայտնում է Ռուսաստանի Դաշնության «Ռոսգրանստրոյ» դաշնային պետական ինստիտուտի մամուլի ծառայությունը։
««Ռոսգրանստրոյ»-ը տեղեկացնում է Վերին Լարս ավտոմոբիլային անցակետով բեռնատարների համար երթևեկության վերականգնման մասին»,-ասվում է հաղորդագրության մեջ։
Վարչությունը նոյեմբերի 26-ին եղանակային պայմանների վատթարացման պատճառով հայտարարել էր բոլոր տեսակի տրանսպորտային միջոցների համար երթևեկությունը փակելու մասին: Նոյեմբերի 29-ին երթևեկությունը բացվել էր մարդատար ավտոմեքենաների համար։
«Ներկայումս երթևեկությունը բաց է բեռնատար, մարդատար և մարդատար տրանսպորտային միջոցների համար՝ ելնելով բարելավված եղանակային պայմաններից»,-պարզաբանել է Ռոսգրանստրոյը: