ՀՀ վարչապետը Հնդկաստանում Հայաստանի ռազմական կցորդ է նշանակել

ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի որոշմամբ Արկադիա Տոնոյանը նշանակվել է Հնդկաստանում Հայաստանի ռազմական կցորդ։ «Արմենպրես»-ն այս մասին տեղեկացավ ՀՀ էլեկտրոնային կառավարման կայքից։

«Հիմք ընդունելով «Դիվանագիտական ծառայության մասին» Հայաստանի Հանրապետության օրենքի 10-րդ հոդվածի 9-րդ մասը` Արկադիա Տոնոյանին 2024 թվականի դեկտեմբերի 4-ից նշանակել Հնդկաստանի Հանրապետությունում Հայաստանի Հանրապետության ռազմական կցորդ՝ 3 տարի ժամկետով (նստավայրը` ք. Նյու Դելի)»,- ասվում է ՀՀ վարչապետի որոշման մեջ: