Ավստրալիան հաստատել է սոցցանցերի արգելքը մինչև 16 տարեկանների համար

2 րոպեի ընթերցում

ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ։ Ավստրալիան կարգելի մինչև 16 տարեկան երեխաներին օգտվել սոցիալական ցանցերից. երկրի խորհրդարանը հաստատել է համապատասխան օրենքը, որն ամենախիստն է աշխարհում։ «Արմենպրես»-ի փոխանցմամբ՝ այս մասին հաղորդում է BBC-ն։ 

Նոյեմբերի 28-ի երեկոյան օրինագիծը 34 կողմ, 19 դեմ ձայնով ընդունել է Սենատը։ Այնուհետև օրինագիծը վերադարձել է Ներկայացուցիչների պալատ, որտեղ ընդունվել է նոյեմբերի 29-ի առավոտյան:

Արգելքը, որն ուժի մեջ չի մտնի առնվազն 12 ամիս, կարող է տեխնոլոգիական ընկերություններին տուգանել մինչև 50 միլիոն ավստրալիական դոլարով (32,5 միլիոն դոլար), եթե նրանք չհետևեն օրենքին:

Ավստրալիայի վարչապետ Էնթոնի Ալբանիզն ասում է, որ օրենսդրությունն անհրաժեշտ է երիտասարդներին սոցիալական մեդիայի «վնասներից» պաշտպանելու համար, ինչին արձագանքել են շատ ծնողական խմբեր:

Սակայն քննադատներն ասում են, որ դեռ անպատասխան են մնացել այն հարցերը, թե ինչպես կգործի արգելքը, և ինչպիսին կլինի դրա ազդեցությունը գաղտնիության և սոցիալական հաղորդակցության վրա:

Օրենսդրությունը չի հստակեցնում, թե որ սոցիալական հարթակները կարգելափակվեն։ Այդ որոշումը կընդունի ավելի ուշ Ավսրալիայի հաղորդակցությունների նախարարը։ Այնուամենայնիվ, նախարար Միշել Ռոուլանդը հայտարարել է, որ արգելքը կտարածվի Snapchat, TikTok, Facebook, Instagram և X սոցիալական ցանցերի վրա։ Արգելքը չի տարածվի խաղերի և հաղորդագրությունների հարթակների, ինչպես նաև այն կայքերի վրա, ուր մուտք գործելու համար օգտահաշիվ պետք չէ, օրինակ, ամենայն հավանականությամբ, YouTube-ի։

Ավստրալիան նախատեսում է տարիքը ստուգելու այնպիսի համակարգ, որը կարող է ներառել կենսաչափական տվյալներ կամ այլ նույնականացում՝ արգելքն իրագործելու համար։

Հայերեն

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին