Գեղարքունիքի 53 հանրակրթական դպրոցում ընթանում է լաբորատորիաների, դասասենյակների հիմնանորոգման ու վերազինման աշխատանք
2 րոպեի ընթերցում
ԳԱՎԱՌ, 28 ՆՈՅԵՄԲԵՐԻ, ԱՐՄԵՆՊՐԵՍ։ Գեղարքունիքի մարզի հանրակրթական դպրոցներում 2024 թվականի հոկտեմբեր ամսից սկսվել և ընթանում են լաբորատորիաների, դասասենյակների հիմնանորոգման և տեխնիկական վերազինման աշխատանքներ։
Ինչպես «Արմենպրես»-ը տեղեկացավ Գեղարքունիքի մարզպետի աշխատակազմի ԿՄՍ վարչությունից, մարզում լաբորատորիաների համար նախատեսված սենյակների հիմնանորոգման և տեխնիկական վերազինման ցանկում առաջին փուլում ընդգրկված է 53 դպրոց։
Արդի չափորոշիչներին համապատասխանող լաբորատորիաների տեխնիկական վերազինման ու գույքի տրամադրման գործընթացներն իրականացվում են ՀՀ ԿԳՄՍ նախարարության միջոցներով, իսկ սենյակների հիմնանորոգման աշխատանքները՝ կրթական հաստատությունների խնայված միջոցների հաշվին` մարզպետ Կարեն Սարգսյանի նախաձեռնությամբ։
Լաբորատորիաների հիմանորոգման և վերազինման աշխատանքները կավարտվեն մինչև տարեվերջ։
Ծրագրի երկրորդ փուլում, որը կսկսվի 2025 թվականի հունվարից, կընդգրկվեն նոր դպրոցներ։
Լաբորատորիաների հիմնանորոգման և վերազինման աշխատանքներին ծանոթանալու նպատակով Գեղարքունիքի մարզպետ Կարեն Սարգսյանը վերջերս աշխատանքային այց է կատարել Գավառի Ավ. Իսահակյանի անվան թիվ 4, Մարտունիի Ս. Դարբինյանի անվան թիվ 2 հիմնական, Սևանի Մ․Մաշտոցի անվան թիվ 1 հիմնական դպրոցներ: