Շիրակի մարզում փակ ճանապարհներ չկան

ԳՅՈՒՄՐԻ,  27 ՆՈՅԵՄԲԵՐԻ,  ԱՐՄԵՆՊՐԵՍ: Չնայած չդադարող ձյանը, Շիրակի մարզում փակ ճանապարհներ չկան: Այս մասին «Արմենպրես»-ին տեղեկացնում են Շիրակի մարզպետի աշխատակազմի Անձնակազմի կառավարման, փաստաթղթաշրջանառության և հասարակայնության հետ կապերի վարչությունից՝ նշելով, որ ժամը 9.30-ի դրությամբ մարզում ձյուն է տեղում, ձյան շերտի հաստությունը 30-40 սմ է հասնում։

Ճանապարհները սպասարկող կազմակերպությունները շարունակում են ձյան մաքրման և աղ ու ավազով մշակման աշխատանքները, այս պահի դրությամբ աշխատանքներում ներգրավված է 26 միավոր տեխնիկա։ 

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով։