1 րոպեի ընթերցում
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: ԱՄՆ ընտրված նախագահ Դոնալդ Թրամփի հետ Ռուսաստանի նախագահ Վլադիմիր Պուտինի շփումը երդմնակալությունից առաջ բացառված չէ: «Արմենպրես»-ի փոխանցմամբ՝ այդ մասին հայտնել է ՌԴ նախագահի մամուլի քարտուղար Դմիտրի Պեսկովը:
«Դա բացառված չէ: Նա (Թրամփը) ասել է, որ Պուտինին կզանգահարի երդմնակալությունից առաջ։ Կա նրա խոսքը: Ուրիշ ոչինչ դեռ չունենք հիմք ընդունելու», - Պեսկովի խոսքերն է մեջբերում «ՌԻԱ Նովոստի» գործակալությունը։
Ավելի վաղ Պեսկովը հայտնել էր, որ Պուտինը ծրագրեր չունի Թրամփին հաղթանակի առթիվ շնորհավորելու, և հիշեցրել էր, որ ԱՄՆ-ն «թե՛ ուղղակիորեն, թե՛ անուղղակիորեն ներգրավված է Ռուսաստանի դեմ պատերազմի մեջ»։